न्यायको माग गर्दै गाउँपालिका अगाडी प्रदर्शन

मर्चवार १७ भदौ । मर्चवार युवा समाजद्वारा कोटहीमाई गाउँपालिका अगाडी प्रदर्शन गरेका छन् । मर्चवारमा भएको जबरजस्ती करणी (बालात्कार)को घटनामा पक्राउ परेका तीनैजनालाई विभिन्न कडा करवाहीको माग गर्दै कोटहीमाई ५ मझगाावाँ देखि ¥याली निकालेर गाउँपालिका अगाडी प्रदर्शन गरेका हुन् । 

बालिकालाई करणी (बालात्कार) गरेको आरोपमा कोटहीमाई गाउँपालिका शिक्षा शाखामा कार्यरत प्राविधिक सहायक मनोहर चौधरी, उद्यम विकास सहजकर्ता मुकेश चौधरी र वडा नम्बर ३ का वडाध्यक्ष विष्णु नारायण पाण्डेय का छोरा बन्टी भन्ने शैलेश पाण्डेयलाई प्रहरीले पक्राउ गरी कारवाहीको प्रकृया अगाडी बढाएको छ । 

गाउँपालिका अगाडी पुगेका ३ सय भन्दा बढी युवाहरुले पिडितलाई न्याय दे, बालात्कारीलाई फाँसी दे लगायतका नारावाजी गरेका थिए । प्रदर्शनकारीले अरोपित तिनैजनाको फोटो माथि चप्पल समेत प्रहर गरेका थिए ।